Hora: 10:00 – saímos do Local Social O PARAXE

Ruta: O Paraxe, Pena de Embade, Borreiros, Gadoi, Agrande, Fernande, Borrallada, O Paraxe (aprox. 8 Km)

DURACIÓN ESTIMADA: 2 horas.

PARTICIPACIÓN ABERTA A TODOS/AS OS/AS QUE QUEIRAN PARTICIPAR.

TELÉFONOS DE CONTACTO PARA INFORMACIÓN E CONFIRMACIÓN DA ASISTENCIA: 607977299 e 629564813

O Plan Concertado de Prestacións Básicas de Servizos Sociais é un instrumento fundamental de cooperación entre os Concellos, a Xunta de Galiza e a Administración do Estado, por medio do cal se cofinancian os servizos sociais municipais e permiten garantir as prestacións básicas e a atención aos veciños e veciñas. O Plan Concertado cobre os custes seguintes:

• Persoal dos servizos sociais.
• Gastos de mantemento dos servizos sociais comunitarios.
• A prestación do servizo de Axuda no Fogar, incluíndo a prestación do servizo de Axuda no Fogar para persoas valoradas como dependentes e a prestación básica.
• A xestión e realización dos programas básicos de prevención, inserción, cooperación e fomento da solidariedade e outros destinados a intervencións comunitarias.

Investimentos: adquisición, construción, reforma, ampliación, mellora ou acondicionamento de equipamentos de servizos sociais.

Nestes días están a chegar aos concellos as resolucións deste Plan, cun recorte drástico e inxustificado nas achegas da Xunta de Galiza relativas aos gastos anteriores englobados no Plan Concertado de Prestacións Sociais Básicas, no Programa de Servizos Sociais Comunitarios e no Plan de Desenvolvemento Xitano.

Xusto cando, por efecto da crise económica, maior é a necesidade de recursos e prestacións sociais para atender ás persoas que con máis dureza están a sufrir as súas consecuencias, o PP, na Xunta de Galiza vén de suprimir e recortar as achegas que desenvolven servizos sociais básicos.

Este recorte ao Plan Concertado obriga aos concellos a facer fronte ás necesidades e programas contraídos este ano 2011 con fondos propios, o que vai afectar aos servizos sociais municipais, e ao que hai que engadir outra grave problemática: o retraio no pagamento das partidas asignadas e comprometidas. Hai que destacar que no mes de outubro os concellos aínda non recibiron da Xunta de Galiza as subvencións do Plan Concertado, cando os concellos veñen realizando o gasto desde o mes de xaneiro.

A Xunta de Galiza e o Parlamento galego, alén da incerteza do que vai pasar en 2012 e anos seguintes, deben resolver este tema de inmediato para asegurar e garantir os recursos necesarios para que os concellos sigan ofrecendo á sociedade os servizos e prestacións sociais que demanda e precisa, especialmente diante da crise económica e social que atravesamos.

Por todo isto, propoñémoslle ao Pleno da Corporación municipal a adopción do seguinte

ACORDO

1.    Instar á Xunta de Galiza á restitución inmediata dos créditos eliminados para o financiamento do Plan Concertado do ano 2011, que significou o recorte de 2,4 millóns de euros, que permitirá continuar cos programas englobados no citado plan de servizos sociais e de prestación básicas e atención ás familias e colectivos con problemas.

2.    Instar á Xunta de Galiza a que nos Orzamentos do ano 2012:

• Garanta como mínimo as cantidades consignadas no 2009 para o Plan Concertado e o Programa de Servizos Sociais Comunitarios.
• Atender así mesmo á execución do Plan Especial de Atención á Comunidade Xitana e o Programa de Atención a Persoas sen Fogar, polo gran incremento sufrido.
• Restabelecer e incrementar os fondos destinados aos concellos para apoio ás familias.

3.    Instar á Xunta de Galiza a que demande do Goberno do Estado o mantemento das cantidades que a Administración do Estado tiña destinadas o pasado ano 2010 ao cofinanciamento dos plans e programas sociais, minorados polo acordo do Consello de Ministros no mes de febreiro pasado.

4.    Facultar ó Alcalde-Presidente para exercitar as accións legais que procedan en defensa dos dereitos sociais dos seus veciños/as.

Narón, 16 de novembro de 2011

INTERVEÑEN:

• CATALINA GARCÍA BLANCO  (SECRETARIA XERAL DO PSdeG-PSOE)
• MAR  BARCON SANCHEZ (PORTAVOZ MUNICIPAL DO PSdeG-PSOE A CORUÑA)
• PALOMA RODRIGUEZ (CANDIDATA Nº 3 Ó CONGRESO POLO PSdeG-PSOE)

NON QUEDES NA CASA O 20N

VOTA PSOE VOTA A RUBALCABA

Aquí vos deixo unha serie de fotos para que poidades apreciar a importancia destas andainas que aínda que xa repetimos a andaina por esta parroquia ó igual que as demais sempre hai cousas que nos quedan por ver ou incluso cousas que alguén do grupo de xente que nos acompaña lle sorprende.

Catalina García Blanco, Voceira do PSOE de Narón criticou actitude do PP ante as peticións que o tripartito do Concello de Narón (TG, BNG e PSOE) co apoio de María Porto de CG presentou a Xunta de Galicia  no pleno de carácter ordinario celebrado onte, xoves.

Na moción facíanse unha serie de peticións á Xunta de Galiza xa que polo momento esta designou unha partida presupostaría para o próximo ano de mais ou menos 3200 euros.

Catalina García afirma:“ que as peticións aprobadas neste pleno foron as mesmas que se fixeron en anos anteriores polo bipartito de Narón daquela formado por TG e PP. Neses tempos tanto os socialistas de Narón como o BNG apoiamos ditas peticións feitas o bipartito da Xunta de Galicia (PSOE-BNG)”.

Non se entende o cambio de postura do PP  xa que son as súas mesmas demandas pero a deferencia é que o que goberna actualmente na Xunta é o Partido Popular, sempre actúan da mesma forma, enganando ó pobo e ocultando o acordado en tempos anteriores, ¿Por que non son capaces de reclamarlle a Feijo o mesmo que lle pedían a Emilio Perez  Touriño.

Narón, 28 de outubro de 2011

A saída será ás 10:00 da maña do Local Cultural A Pombiña realizando un percorrido de aproximadamente 7 Km visitando: A igrexia de San Salvador de Pedroso, A Revolta, A Capela da O, Piñeiros, O Río Vello, O Mosteiro, A Pedra e Pradelo. Finalizando novamente na Pombiña.

Esta actividade está aberta a calquera persoa que nos queira acompañar a coñecer un pouquiño máis os lugares de Narón.

Narón, 24 de outubro de 2011

Esta vez o comezo foi na parroquia do Val,a saída foi do Local Social, percorremos sobre sobre 8 Km pasando por: Campo do Abial, Os Vilares, Pena Molexa, Baltar.

Dende a Agrupación Socialista queremos agradecer a todos/as os/as participantes por asistir a esta andaina e animalos a que repitan.

Déixovos unha galería de fotos das zonas que percorremos nesta andaina:

Click to view slideshow.

No día de onte celebráronse unhas xornadas de desenrolo asociativo da Federación Coamificoa en materia de transporte e discapacidade de Galicia, nas instalacións da Asociación Sociocultural de Minusvalidos (ASCM), organizadora da cita.

Estas Xornadas foi inaugurada por Catalina García como concelleira de Acción Social, ademais do presidente da asociación de Minusvalidos: Ángel Gárate e a presidenta da Federación Coamificoa: Pilar Ramiro.

Narón, 29 de setembro de 2011

No día de onte foi inagurada pola asociación Dignidade a súa Casa de Familia sita en Cidade Xardín.

A Casa de Familia é un centro de acollida a menores é o único que hai en toda a comarca e poñeráse en funcionamento no mes de outubro.En total, as instalacións contan con oito prazas interinas e seis de día. Acudiran menores de toda Galicia.

O acto acudiron representantes da Xunta, Deputación e distintos  Concellos.cudirán menores de toda Galicia.

Narón, 28 de setembro de 2011

Como xa sabedes vimos realizando  unhas andainas por todas as parroquias co propósito de coñecer todos os recunchos de Narón ademais de aproveitar o momento e así estar ó pé do pobo para que nos comuniquen as súas inquedanzas e os seus problemas.

Nesta nova tempada vamos a comezar a andaina pola parroquia do Val.O punto de inicio é no Local Social do Val ás 10:00 da maña visitando lugares como Campo do Abial, Os Vilares, Pena Molexa e outra vez volta ó Local Social. Tratase dun percorrido de aproximadamente 8 Km con unhas vista excepcionais.

Dende a Executiva Socialista de Narón aproveitamos para dicir que as andainas son abertas a todos/as os veciños/as de Narón e que os animamos a participar.

Narón, 26 de setembro de 2011